அமெரிக்காவில் பழுதடைந்த விமானம் ஒன்று மேம்பாலத்தில் தரையிறங்க முயன்று காரில் மோதிய சம்பவம் பரபரப்பை ஏற்படுத்தியுள்ளது.
அமெரிக்காவில் புளோரிடா மாகாணத்தில் உள்ள புரோவர்ட் நகர விமான நிலையத்தில் இருந்து ஒற்றை எஞ்சின் கொண்ட சிறிய ரக விமானம் ஒன்று விமானி மற்றும் 2 பயணிகளுடன் புறப்பட்டுள்ளது.
விமானம் மியாமி நகருக்கு மேலே பறந்து கொண்டிருந்தபோது ஏற்பட்ட பழுதால் அவசரமாக தரையிறக்க வேண்டிய நிர்பந்தம் எழுந்துள்ளது. இதனால் அங்குள்ள மேம்பாலம் ஒன்றில் தரையிறக்க விமானி முயன்றுள்ளார். அப்போது மேம்பாலத்தில் சென்ற கார் மீது மோதிய விமானம் தீப்பற்றியது.
இதில் விமானத்தில் பயணித்த ஒருவர் சம்பவ இடத்திலேயே தீப்பற்றி உயிரிழந்துள்ளார். விமானத்தில் பயணித்த இருவர் மற்றும் காரில் சென்ற 2 குழந்தைகள் உட்பட 3 பேர் படுகாயமடைந்த நிலையில் அவர்கள் மருத்துவமனையில் அனுமதிக்கப்பட்டுள்ளனர்.
