இனிமேல் அதை நக்க சொல்ல மாட்டோம்! – கே.எஃப்.சி திடீர் அறிவிப்பு!

உலகளவில் பிரபலமான சிக்கன் உணவகமான கேஎஃப்சி பல ஆண்டுகளாக தங்கள் விளம்பரங்களில் இருந்த ஒரு வாசகத்தை நீக்கியுள்ளது.

உலகளவில் சிக்கன் உணவு வகைகளுக்கு மிகவும் பிரபலமாக உள்ள கேஎஃப்சி எனப்படும் கென்டுக்கி ஃப்ரைட் சிக்கன் நிறுவனத்திற்கு உலக நாடுகள் முழுவதும் ஆயிரக்கணக்கில் கிளைகள் உள்ளன. கே.எஃப்சி நிறுவனம் கடந்த 64 ஆண்டு காலமாக தனது விளம்பரங்களில் ”Finger Licking Good” என்ற ஸ்லோகனை உபயோகித்து வருகிறது.

தங்கள் சிக்கன் உணவு வகைகள் விரல்களை நக்க வைக்கும் என்ற ரீதியில் உருவாக்கப்பட்டு பயன்பாட்டில் இருந்த இந்த ஸ்லோகனை தற்போது நீக்குவதாக கே.எஃப்சி அறிவித்துள்ளது. தற்போது கொரோனா காலத்தில் கைகளால் முகம், மூக்கு, வாய் போன்றவற்றையே தொடக்கூடாது என மருத்துவ நிபுணர்கள் கூறிவருகின்றனர்.

இந்நிலையில் தங்களது ஸ்லோகன் கோவிட் பாதுகாப்பு நடவடிக்கைகளுக்கு முரணாக இருப்பதால் நீக்குவதாக கே.எஃப்.சி கூறியுள்ளது. மேலும் உலகம் முழுவதும் கொரோனா பாதிப்புகள் பூரணமாக சரியானதும் மீண்டும் இந்த ஸ்லோகன் இடம்பெறும் எனவும் தெரிவிக்கப்பட்டுள்ளது.