2022 ஆம் ஆண்டின் முதல் 10 பிரபலமான இந்தியத் திரைப்படங்களின் பட்டியலை IMDb இந்தியா வெளியிட்டுள்ளது.
2022 ஆம் ஆண்டு முடிவடையும் நிலையில், திரைப்படங்கள் மற்றும் வெப் தொடர்களின் வருடாந்திர டாப் 10 பட்டியல்கள் வெளியாக துவங்கியுள்ளன. அந்த வகையில் 2022 ஆம் ஆண்டின் முதல் 10 பிரபலமான இந்தியத் திரைப்படங்களின் பட்டியலை IMDb இந்தியா வெளியிட்டுள்ளது.
இந்த ஆண்டு இந்த பட்டியலில் தென்னிந்திய திரைப்படங்கள் ஆக்கிரமித்துள்ளன. உலகளாவிய IMDb பயனர்களின் கணக்கின் படி இந்த பட்டியல் அறிவிக்கப்பட்டுள்ளது. இதோ 2022 இன் 10 மிகவும் பிரபலமான இந்தியத் திரைப்படங்களின் பட்டியல்…
ஆர்ஆர்ஆர் (RRR)
எஸ்.எஸ்.ராஜமௌலி இயக்கத்தில், RRR படத்தில் ராம் சரண், ஜூனியர் என்.டி.ஆர், அலியா பட் மற்றும் அஜய் தேவ்கன் ஆகியோர் நடித்துள்ளனர். இது சமீபத்தில் கோல்டன் குளோப் விருதுகளில் இரண்டு பரிந்துரைகளில் இடம் பெற்றுள்ளது. மார்ச் மாதம் திரையரங்கில் வெளியான RRR உலக பாக்ஸ் ஆபிஸில் ரூ.1,200 கோடிக்கு மேல் வசூலித்தது.
RRR IMDb மதிப்பீடு: 8/10
தி காஷ்மீர் ஃபைல்ஸ் (The Kashmir Files)
'தி காஷ்மீர் ஃபைல்ஸ்' படம் வெளியான பிறகு தேசிய அளவில் இது பேசு பொருளாக மாறியது. மிதுன் சக்ரவர்த்தி, அனுபம் கெர், தர்ஷன் குமார், பல்லவி ஜோஷி மற்றும் சின்மயி மண்லேகர் ஆகியோர் நடித்த இப்படம் 1990 ஆம் ஆண்டில் காஷ்மீரி பண்டிட்களின் துயரங்களை படம் பிடித்து காட்டியது. விவேக் அக்னிஹோத்ரி இயக்கிய இப்படம், இந்தியாவில் ரூ. 252 கோடிக்கும், உலகளவில் ரூ.340க்கும் மேல் வசூல் செய்தது.
The Kashmir Files IMDb மதிப்பீடு: 8.3/10
கே.ஜி.எஃப்: சேப்டர் 2 (KGF Chapter 2)
பிரசாந்த் நீல் இயக்கத்தில், யாஷ் நடிப்பில் 2018 ஆம் ஆண்டு வெளியான KGF திரைப்படத்தின் தொடர்ச்சி KGF Chapter 2. ராக்கி எனும் தனிநபரை சுற்றும் நகரும் கதையாக இது இருந்தது. இதன் Chapter 3 அறிவிப்பும் ரசிகர்களை எதிர்ப்பார்ப்புடன் வைத்துள்ளது. இந்த படம் உலக அளவில் ரூ.1000 கோடி மேல் வசூல் செய்து சாதனை படைத்தது.
KGF 2 IMDb மதிப்பீடு: 8.4/10
விக்ரம் (Vikram)
கமல் நடிப்பில், லோகேஷ் கனகராஜ் இயக்கத்தில் உருவான விக்ரம் திரைப்படம் கடந்த ஜூன் வெளியாகி உலகம் முழுவதும் நல்ல வரவேற்பை பெற்றது. இந்த படத்தில் கமலுடன் விஜய் சேதுபதி, பகத் பாஸில் ஆகியோர் முன்னணி கதாபாத்திரத்தில் நடித்திருந்தனர். ஹிந்தியில் மட்டும் படம் சரியாக ஓடவில்லை என்றாலும் மற்ற மொழிகளை நல்ல வரவேற்பை பெற்றது.
Vikram IMDb மதிப்பீடு: 8.4/10
காந்தாரா (Kantara)
ரிஷப் ஷெட்டி எழுதி இயக்கிய காந்தாரா படம் முதலில் கவனத்தை பெற தவறினாலும் பின்னர் பெரும் வரவேற்பைப் பெற்று பாக்ஸ் ஆபிஸை கலக்கியது. இதில் ரிஷப் ஷெட்டி, சப்தமி கவுடா, கிஷோர் குமார் ஆகியோர் முக்கிய வேடங்களில் நடித்திருந்தனர். இப்படத்தின் தொடர்ச்சியையும் ரிஷப் ஷெட்டி தொடங்க உள்ளதாக கூறப்படுகிறது.
Kantara IMDb மதிப்பீடு: 8.6/10
ராக்கெட்ரி: நம்பி விளைவு (Rocketry: The Nambi Effect)
மாதவன் நடித்து இயக்கிய ராக்கெட்ரி: நம்பி எஃபெக்ட் விமர்சகர்கள் மற்றும் பார்வையாளர்களிடமிருந்து பாராட்டைப் பெற்றது. 52 வயதான நடிகரால் இயக்கப்பட்டு, தயாரித்து, எழுதப்பட்ட இந்த வாழ்க்கை வரலாற்று திரைப்படம் விண்வெளி பொறியாளர் நம்பி நாராயணனின் வாழ்க்கையை அடிப்படையாகக் கொண்டது.
Rocketry: The Nambi Effect IMDb மதிப்பீடு: 8.8/10
மேஜர் (Major)
மேஜர் படத்தை சஷி கிரண் டிக்கா இயக்கியுள்ளார். இதில் அத்வி சேஷ், சோபிதா துலிபாலா, பிரகாஷ் ராஜ், ரேவதி மற்றும் முரளி சர்மா ஆகியோர் முக்கிய வேடங்களில் நடித்துள்ளனர். இந்தப் படம் மேஜர் சந்தீப் உன்னிகிருஷ்ணனின் உத்வேகப் பயணத்தைப் பற்றிய வாழ்க்கை வரலாற்று நாடகமாகும். இது பாக்ஸ் ஆபிஸில் வெற்றிகரமாக ஓடியது மற்றும் OTT இல் நல்ல வரவேற்பைப் பெற்றது.
Major IMDb மதிப்பீடு: 8.2/10
சீதா ராமம் (Sita Ramam)
துல்கர் சல்மான் மற்றும் மிருணால் தாகூர் நடித்த சீதா ராமம் முதலில் தெலுங்கு, தமிழ் மற்றும் மலையாளம் ஆகிய மொழிகளில் வெளியாகி பின்னர் இந்தியிலும் வெளியானது. ஹனு ராகவபுடி இயக்கத்தில் வெளியான சீதா ராமம் போர், எல்லைகள் மற்றும் மதத்தை விட மனிதநேயம் முக்கியமானது என்பதை காட்டுகிறது. 1964 ஆம் ஆண்டு பின்னணியில் எடுக்கப்பட்ட இந்தத் திரைப்படம், காஷ்மீர் எல்லையில் பணியாற்றும் இராணுவ அதிகாரி சீதா மகாலட்சுமியின் காதல் கதையாகும்.
Sita Ramam IMDb மதிப்பீடு: 8.6/10
பொன்னியின் செல்வன்: பாகம் ஒன்று (PS – 1)
வரலாற்று கதையான பொன்னியின் செல்வன் - 1 திரைப்படம் பார்வையாளர்களிடையே பெரும் வரவேற்பைப் பெற்றது. இப்படத்தில் விக்ரம், கார்த்தி, ஜெயம் ரவி, த்ரிஷா, பிரகாஷ் ராஜ், சரத்குமார், பார்த்திபன், ஐஸ்வர்யா ராய் என நட்சத்திர பட்டாளமே நடித்திருந்தது. 10 ஆம் நூற்றாண்டு தஞ்சாவூரில் நடக்கும் கல்கி கிருஷ்ணமூர்த்தியின் பெயரிடப்பட்ட நாவலை அடிப்படையாகக் கொண்ட மாபெரும் ஓபஸ் வரலாற்று நாடகம்.
PS – 1 IMDb மதிப்பீடு: 7.9/10
777 சார்லி (777 Charlie)
கிரண்ராஜ் கே. 777 சார்லி இயக்கத்தில், ரக்ஷித் ஷெட்டியுடன் டைட்டில் ரோலில் சார்லி என்ற லாப்ரடார் நாய் நடிக்கிறது. இப்படத்தில் சங்கீதா சிருங்கேரி, ராஜ் பி. ஷெட்டி, டேனிஷ் சைட் மற்றும் பாபி சிம்ஹா ஆகியோரும் நடித்துள்ளனர். இந்தத் திரைப்படம் ஒரு சாகச நகைச்சுவை - நாடகத் திரைப்படமாகும்.
777 Charlie IMDb மதிப்பீடு: 8.9/10
