அஸ்வின் பேட்ஸ்மேனின் கவனத்தைக் கலைப்பதில் வல்லவர்… பாராட்டிய முன்னாள் வீரர்!

இந்திய கிரிக்கெட் அணியின் மூத்த வீரரான அஸ்வின் வெஸ்ட் இண்டீஸ் அணிக்கெதிரான முதல் டெஸ்ட் போட்டியில் 12 விக்கெட்களை வீழ்த்தி அசத்தினார். இதையடுத்து அவரைப் பல முன்னாள் விளையாட்டு வீரர்களும் பாராட்ட தொடங்கியுள்ளனர்.

இந்நிலையில் இந்திய அணியின் முன்னாள் வீரரும் முன்னாள் பயிற்சியாளருமான அனில் கும்ப்ளே அஸ்வினை மனம்திறந்து பாராட்டியுள்ளார். அதில் “அஸ்வின் பேட்ஸ்மேன்களின் மனதுடன் விளையாடுகிறார். அஸ்வினை எதிர்கொண்ட ஒவ்வொரு பேட்ஸ்மேனிடமும் நீங்கள் அழுத்தத்தை பார்க்கலாம். அதை அவர்களின் உடல் மொழியில் நீங்கள் காணலாம்.

ஒவ்வொரு பேட்ஸ்மேனுக்கும் ஏற்றவாறு அஸ்வின் மிகத் தந்திரமாக பந்துவீசினார். எந்தவொரு பேட்ஸ்மேனுக்கும் அவரை எதிர்கொள்வது சவாலானதாகவே இருக்கும்” எனக் கூறியுள்ளார்.