ஐந்து மாநில தேர்தல் தேதி அறிவிக்கப்பட்டு அதற்கான பிரச்சாரங்களை அரசியல் கட்சிகள் விறுவிறுப்பாக செய்து கொண்டிருக்கும் நிலையில் வரும் 28ஆம் சட்டமன்ற தேர்தல் நடைபெறவுள்ள மத்திய பிரதேச மாநிலத்தில் இன்று பாஜக தேசிய தலைவர் அமித்ஷா பிரச்சாரம் செய்தார்.
பிரச்சாரத்தை முடித்த பின்னர் அவர் தனது பிரச்சார தேரில் இருந்து இறங்கியபோது திடீரென எதிர்பாராமல் சறுக்கி கீழே விழுந்தார். உடனடியாக பாஜக தொண்டர்களும், பாதுகாப்பு காவலர்களும் அமித்ஷாவை கைத்தாங்கலாக தூக்கினர். இதனால் பெரும் பரபரப்பு ஏற்பட்டது.
அமித்ஷாவுக்கு எந்த காயமும் இல்லை என்றும், அவர் நலமுடன் இருப்பதாகவும் பாஜக அறிவித்துள்ளது. இந்த நிலையில் மபி மாநிலத்தில் பாஜக அமோக வெற்றி பெற்று ஆட்சியை தக்க வைத்து கொள்ளும் என்று கருத்துக்கணிப்புகள் வெளியாகியுள்ளது.
