பாஜகவை தோற்கடிக்க சமீபத்தில் I.N.D.I.A என்ற கூட்டணி உருவானது என்பதும் 26 கட்சிகள் கொன்ற இந்த கூட்டணியின் இரண்டு கட்ட கூட்டம் முடிவடைந்தது என்பது தெரிந்ததே. இந்த நிலையில் இந்த கூட்டணியில் காங்கிரஸ் மற்றும் ஆம் ஆத்மி ஆகிய இரண்டு கட்சிகளும் இருக்கும் நிலையில் டெல்லியில் தொகுதி உடன்பாடு செய்து கொள்ள காங்கிரஸ் மறுத்துவிட்டதாக தெரிகிறது
டெல்லியில் உள்ள ஏழு தொகுதிகளிலும் காங்கிரஸ் கட்சி போட்டியிடும் என்று நேற்று நடைபெற்ற காங்கிரஸ் கட்சியின் கூட்டத்தில் முடிவு செய்யப்பட்டுள்ளது. இதனை அடுத்து I.N.D.I.A கூட்டணியில் உள்ள ஆம் ஆத்மி கட்சி அதிர்ச்சி அடைந்துள்ளது.
இந்த கூட்டத்திற்கு பின் கருத்து தெரிவித்த மூத்த காங்கிரஸ் தலைவர் ஒருவர் டெல்லியில் உள்ள ஏழு மக்களவைத் தொகுதியிலும் காங்கிரஸ் போட்டியிடுகிறது என்றும் அனைத்து தொகுதிகளிலும் காங்கிரஸ் வெற்றி பெறும் என்ற நம்பிக்கை உள்ளது என்றும் தெரிவித்தார்.
பாஜக வேட்பாளருக்கு எதிராகத்தான் எங்கள் கூட்டணி செயல்படும் என்றும் எங்கள் வேட்பாளரை கூட்டணியில் உள்ள கட்சிகள் ஆதரிக்க வேண்டும் என்றும் அவர் கூறியது சர்ச்சையை ஏற்படுத்தி உள்ளது. இன்னொரு கட்சி ஜெயிப்பதற்கா நாங்கள் கட்சி நடத்துகிறோம் என்றும் ஆம் ஆத்மி கடும் கோபத்துடன் தெரிவித்துள்ளதாகவும் தகவல்கள் வெளியாகி உள்ளன
