Webdunia - Bharat's app for daily news and videos

Install App

நீங்கள் கொண்டாடும் நோபல் பரிசு பெற்ற பானர்ஜி யார் தெரியுமா? – குட்டு வைத்த குஜராத் எம்.எல்.ஏ!

Webdunia
திங்கள், 14 அக்டோபர் 2019 (18:20 IST)
பொருளாதாரத்திற்கான நோபல் பரிசு வாங்கிய அபிஜித் பானர்ஜி குறித்த ஒரு தகவலை தனது ட்விட்டரில் பதிவிட்டுள்ளார் குஜராத் எம்.எல்.ஏ ஒருவர்.

உலகம் முழுவதும் பல துறைகளில் சாதனை படைத்தவர்களுக்கான உச்ச அங்கீகாரமான நோபல் பரிசு தற்போது வழங்கப்பட்டு வருகிறது. இயற்பியல், வேதியியல், இலக்கியம் என பலதுறைகளுக்கு நோபல் பரிசு வழங்கப்படுள்ள நிலையில் இன்று பொருளாதாரத்திற்கான நோபல் பரிசு வழங்கப்பட்டுள்ளது.

பொருளாதாரத்திற்கான நோபல் பரிசை அமெரிக்க பொருளாதார நிபுணரான அபிஜித் பானர்ஜி மற்றும் அவரது மனைவி எஸ்தர் டூஃப்லா ஆகியோர் பெற்றுள்ளனர். இவர்களோடு மைக்கெல் க்ரீமர் என்பவரும் பொருளாதாரத்திற்கான நோபல் பரிசை பகிர்ந்து கொண்டுள்ளார். வருமையை ஒழிப்பதற்கான முன்னொடி திட்டங்களை வகுத்ததற்காக இந்த மூவருக்கும் நோபல் பரிசு வழங்கப்பட்டுள்ளது.

அபிஜித் பானர்ஜி கல்கத்தாவில் பிறந்து ஜவஹர்லால் நேரு பல்கலைகழகத்தில் பொருளாதாரத்தில் பட்டம் பெற்றவர். அவரது மனைவி எஸ்தர் டூஃப்லா அமெரிக்க பல்கலைகழகம் ஒன்றில் பொருளாதார பேராசிரியராக பணிபுரிந்து வருகிறார். இந்தியாவை சேர்ந்த அபிஜித் பானர்ஜி பொருளாதாரத்திற்கான நோபல் பரிசு பெற்றதை இந்தியா முழுவதும் கொண்டாடி வரும் வேளையில் அபிஜித் பற்றி கூறியுள்ள குஜராத் எம்.எல்.ஏ ஜிக்னேஷ் மெவானி “பக்தாள்கள் அபிஜித் பானர்ஜியை நோபல் பரிசு பெற்றதற்காக கொண்டாடி வருகிறார்கள். அவர் ஜவஹர்லால் பல்கலைகழகத்தின் பெருமைமிகு மாணவர் என்பதையும், பணமதிப்பிழப்பு, ஜி.எஸ்.டி மற்றும் வெறுப்பு குற்றங்கள் ஆகியவற்றை கடுமையாக விமர்சித்தவர் என்பதையும் மறந்துவிட வேண்டாம்” என கூறியுள்ளார்.

தொடர்புடைய செய்திகள்

எல்லாம் காட்டு

மேலும் படிக்க

இன்று இரவு 8 மாவட்டங்களை குளிர்விக்கப் போகும் மழை! - எந்தெந்த மாவட்டங்கள்?

தண்டவாளத்தில் சமையல் சிலிண்டர்.. நூல் இழையில் ரயிலை நிறுத்திய லோகோ பைலட்!

தமிழகத்தில் அடுத்த 7 நாட்களுக்கு மழை பெய்ய வாய்ப்பு: வானிலை ஆய்வு மையம் தகவல்

கங்கையில் வரலாறு காணாத வெள்ளம்: பல ரயில்கள் ரத்து, இயல்பு வாழ்க்கை பாதிப்பு

கர்நாடக பால் கூட்டமைப்பில் இருந்து நெய் கொள்முதல்.. திருப்பதி தேவஸ்தானம்..!

அடுத்த கட்டுரையில்
Show comments