இந்தியாவில் கொரோனா பாதிப்புகளை தவிர்க்க பல்வேறு முன்னெச்சரிக்கை நடவடிக்கைகள் மேற்கொள்ளப்பட்டு வரும் நிலையில் இந்திய மருத்துவ சங்கம் அறிவுறுத்தல்களை வெளியிட்டுள்ளது.
உலகம் முழுவதும் கொரோனா பாதிப்புகள் குறைந்திருந்த நிலையில் தற்போது சீனாவில் பாதிப்புகள் மீண்டும் அதிகரிக்க தொடங்கியுள்ளது. உருமாற்றமடைந்த பிஎஃப்7 வேரியண்டுகளும் கண்டறியப்பட்டு வருவது மக்களிடையே பீதியை ஏற்படுத்தியுள்ளது.
இந்தியாவில் கிறிஸ்துமஸ், புத்தாண்டு கொண்டாட்டங்களுக்காக மக்கள் தயாராகி வரும் நிலையில் கொரோனா பாதிப்பு அதிகரித்து வருவது பரபரப்பை ஏற்படுத்தியுள்ளது. இந்நிலையில் கொரோனா குறித்து இந்திய மருத்துவ சங்கம் பொதுமக்களுக்கு அறிவுறுத்தல்களை விடுத்துள்ளது.
அதில் மக்கள் திருமணம், அரசியல் நிகழ்வுகள் சமூக கூட்டங்களில் தேவையின்றி கூட வேண்டாம் என்றும், சர்வதேச நாடுகளுக்கு பயணிப்பதை தவிர்க்குமாறும் கேட்டுகொள்ளப்பட்டுள்ளது. கொரோனா வழிகாட்டு நெறிமுறைகளை பின்பற்றவும், கொரோனா பூஸ்டர் டோஸ் தடுப்பூசி செலுத்திக் கொள்ளவும் அறிவுறுத்தப்பட்டுள்ளது.
