கர்நாடக சட்டமன்றத் தேர்தல் இன்று நடைபெற இருக்கும் நிலையில் சற்றுமுன் வாக்குப்பதிவு தொடங்கியதாக தகவல் வெளியாகியுள்ளன.
கர்நாடக மாநிலத்தில் தற்போது பாஜக ஆட்சி நடைபெற்று வரும் நிலையில் ஆட்சியை தக்க வைத்துக்கொள்ள அந்த கட்சி தீவிரமாக பிரச்சாரம் செய்தது. பிரதமர் மோடி உள்துறை அமைச்சர் அமித்ஷா பாதுகாப்பு துறை அமைச்சர் ராஜநாத் சிங் உள்பட பல பாஜக பிரபலங்கள் தேர்தல் பிரச்சாரம் செய்தனர்.
அதேபோல் காங்கிரஸ் கட்சியின் வேட்பாளர்களுக்கு வாக்கு கேட்டு ராகுல் காந்தி பிரியங்கா காந்தி உள்பட பல பிரபலங்கள் பிரச்சாரம் செய்தனர். இந்த நிலையில் இன்று வாக்குப்பதிவு தொடங்கியதை அடுத்து பொதுமக்கள் நீண்ட வரிசையில் நின்று தங்களது வாக்குகளை பதிவு செய்து வருகின்றனர்.
கர்நாடக மாநிலத்தில் மொத்தம் 224 தொகுதிகள் உள்ளது என்பதும் இந்த தொகுதிகளில் ஐந்து கோடியே 31 லட்சத்து 33 ஆயிரத்து 54 பேர் வாக்காளர்களாக உள்ளனர் என்பது குறிப்பிடத்தக்க து.
தேர்தல் பணிகளில் சுமார் நான்கு லட்சம் ஊழியர்கள் ஈடுபட்டு வருவதாகவும் மின்னணு வாக்குப்பதிவு மூலம் தேர்தல் நடைபெற்று வருவதாகவும் தகவல்கள் வெளியாகி உள்ளன.
