பிளேட்லெட்டுக்கு பதில் சாத்துக்குடி ஜூஸ் ஏற்றி நோயாளி மரணம்?

டெங்கு காய்ச்சலால் பாதிக்கப்பட்ட நோயாளிக்கு பிளேட்லெட்டுகளுக்கு பதிலாக பழச்சாறு ஏற்றியதால் பரபரப்பு.

உத்தரபிரதேச மாநிலம் பிரயாக்ராஜில் உள்ள ஒரு தனியார் மருத்துவமனை, டெங்கு காய்ச்சலால் பாதிக்கப்பட்ட நோயாளிக்கு பிளேட்லெட்டுகளுக்கு பதிலாக பழச்சாறு ஏற்றியதாக அவரது குடும்பத்தினர் குற்றஞ்சாட்டியுள்ளனர். உத்தரபிரதேச காவல்துறை இத்தகவலை உறுதிப்படுத்தியது மற்றும் தனியார் மருத்துவமனைக்கு சீல் வைக்கப்பட்டதுள்ளது.

பிளேட்லெட்டுகளுக்கு பதிலாக பழச்சாறு ஏற்றப்பட்ட நோயாளி, பிரதீப் பாண்டே மற்றொரு மருத்துவமனைக்கு மாற்றப்பட்டார். அங்கு அவர் உடல்நிலை மோசமடைந்ததை அடுத்து இறந்தார் என்று அதிகாரிகள் தெரிவித்தனர். இருப்பினும், உள்ளூர் காவல் நிலையத்தில் எப்ஐஆர் பதிவு செய்யப்படவில்லை.

தனியார் மருத்துவமனையின் உரிமையாளர், பிளேட்லெட்டுகள் வேறு மருத்துவ நிறுவனத்தில் இருந்து கொண்டு வரப்பட்டதாகவும், மூன்று யூனிட்கள் ஏற்றப்பட்ட பிறகு நோயாளிக்கு எதிர்வினை ஏற்பட்டதாகவும் கூறினார். இது குறித்து துணை முதல்வர் பதக் தனது ட்விட்டர் பதிவில், டெங்கு நோயாளிக்கு பிளேட்லெட்டுகளுக்கு பதிலாக இனிப்பு எலுமிச்சை சாறு ஏற்றப்பட்ட மருத்துவமனையில் வைரலான வீடியோவை அறிந்து, எனது உத்தரவின் பேரில் மருத்துவமனைக்கு சீல் வைக்கப்பட்டு பிளேட்லெட் பாக்கெட்டுகள் பரிசோதனைக்கு அனுப்பப்பட்டுள்ளன. குற்றம் நிரூபிக்கப்பட்டால், மருத்துவமனை மீது கடும் நடவடிக்கை எடுக்கப்படும் என்றார்.

ஆதாரங்களின்படி, "தவறான பிளேட்லெட்டுகள்" மாற்றப்பட்டதால் நோயாளி இறந்தார், மேலும் அவற்றின் மாதிரிகள் பரிசோதிக்கப்படும். மருத்துவமனைக்கு சீல் வைப்பதற்கான காரணம் குறித்து கேட்டபோது, பெயர் தெரியாத நிலையில், தலைமை மருத்துவ அதிகாரியின் அறிவுறுத்தலின் பேரில் இது மேற்கொள்ளப்பட்டதாகவும், மாதிரி பரிசோதனை செய்யப்படும் வரை அப்படியே இருக்கும் என்றும் அதிகாரி ஒருவர் தெரிவித்தார்.

Edited By: Sugapriya Prakash