காமன்வெல்த் போட்டி - தங்கவேட்டையில் இந்தியா; 6 தங்கங்களுடன் 3-வது இடத்திற்கு முன்னேற்றம்

காமன்வெல்த் துப்பாக்கி சுடுதலில் இந்தியாவுக்கு 2 பதக்கங்கள் கிடைத்துள்ளது. ஹரியானவை சேர்ந்த மனு பார்க்கர் தங்கம் வென்றார்.

ஆஸ்திரேலியாவில் நடைபெற்று வரும் 21-வது காமன்வெல்த் போட்டியில் பளுதூக்கும் பிரிவில் இந்தியாவுக்கு ஏற்கனவே இரண்டு தங்கம் கிடைத்திருந்தது. இதனை தொடர்ந்து நேற்று நடைபெற்ற ஆடவர் 77கிலோ பளுதூக்கும் பிரிவில் தமிழக வீரர் சதீஷ்குமார் சிவலிங்கம் தங்க பதக்கம் வென்றார். மேலும் 89 கிலோ எடை பிரிவு பளுதூக்கும் போட்டியில் இந்தியாவின் வெங்கட் ராகுல் தங்கம் வென்றார். 

இந்நிலையில் இன்று நடைபெற்ற மகளிருக்கான 69 கிலோ எடைப்பிரிவு பளுதூக்குதல் போட்டியில் இந்திய வீராங்கனை பூனம் யாதவ் தங்கப் பதக்கம் வென்றார். அதேபோல் பெண்களுக்கான 10 மீட்டர் துப்பாக்கி சுடுதலில் ஹரியானவை சேர்ந்த 11-ம் வகுப்பு மாணவி மனு பார்க்கர் தங்கம் வென்றார். பஞ்சாப்பை சேர்ந்த ஹூனா சித்து வெள்ளிப்பதக்கத்தை வென்றார். இதன் மூலம் இந்தியா 6 தங்கப் பதக்கங்களை இதுவரை பெற்றுள்ளது.