யூத் ஒலிம்பிக் போட்டி: இந்திய ஹாக்கி அணி தோல்வி

யூத் ஒலிம்பிக் போட்டியின் இறுதி ஆட்டத்தில் இந்திய ஆண்கள் ஹாக்கி அணி தோல்வியுற்று வெள்ளிப்பதக்கத்தை கைப்பற்றியது.

3-வது யூத் ஒலிம்பிக் போட்டி அர்ஜென்டினா தலைநகர் பியூனஸ் அயர்சில் நடந்து வருகிறது. இதில் 206 நாடுகளின் வீரர், வீராங்கனைகள் பங்கேற்றுள்ளனர்.

இந்நிலையில் நேற்று ஆண்களுக்கான ஹாக்கி போட்டியின் இறுதிச்சுற்று நடைபெற்றது. இதில் இந்திய அணி மலேசிய அணியுடன் மோதியது.

ஆட்டத்தின் தொடக்கத்தில் சிறப்பாக விளையாடிய இந்திய அணி போகப்போக கோல் அடிக்க முடியாமல் திணறியது. இறுதியில் மலேசியா 2-4 என்ற கோல் கணக்கில் இந்தியாவை வீழ்த்தி கோப்பையை கைப்பற்றியது. இதனால் இந்திய அணி வெள்ளிக்கோப்பையை கைப்பற்றி இரண்டாம் இடத்தை பிடித்தது.