ரோல்ஸ் ராய்ஸ்க்கு வரி சலுகை கேட்ட நடிகர் விஜய் – அபராதம் போட்ட நீதிமன்றம்!

தான் வாங்கிய ரோல்ஸ் ராய்ஸ் காருக்கு நடிகர் விஜய் வரிசலுகை கேட்டு மனு அளித்த நிலையில் அவருக்கு அபராதம் விதிக்கப்பட்டுள்ளது.

தமிழ் நடிகர் விஜய் கடந்த 2012ம் ஆண்டு ரோல்ஸ் ராய்ஸ் கோஸ்ட் மாடல் காரை இங்கிலாந்திலிருந்து வாங்கினார். இந்த காருக்கு இறக்குமதி வரி விதிக்கப்பட்டிருந்த நிலையில் வரியில் தளர்வு அளிக்க கோரி நடிகர் விஜய் அப்போது மனு அளித்திருந்தார்.

மனு அளித்து 9 ஆண்டுகள் ஆகிவிட்ட நிலையில் மனு மீதான விசாரணையில் மனுவை தள்ளுபடி செய்த நீதிமன்றம் நடிகர் விஜய்க்கு ரூ.1 லட்சம் அபராதமாக விதித்துள்ளது. இந்த அபராதத்தை முதல்வர் கோவிட் பொது நிவாரண நிதியில் இரண்டு வாரங்களுக்குள் செலுத்த வேண்டும் என உத்தரவிடப்பட்டுள்ளது.