சூப்பர் ஹிட் திகில் பட இயக்குனரின் அடுத்த படத்தில் நயன்தாரா

லேடி சூப்பர் ஸ்டார் நயன்தாரா கடந்த சில வருடங்களாகவே நாயகிக்கு முக்கியத்துவம் கொடுக்கும் படங்களில் மட்டுமே நடித்து வருகிறார். மாயா, டோரா, அறம், இமைக்கா நொடிகள், கொலையுதிர் காலம், கோலமாவு கோகிலா உள்பட நயன்தாரா நடித்து வரும் பெரும்பாலான படங்கள் ஹீரோயின் சப்ஜெக்ட் படங்கள் தான்

இந்த நிலையில் மேலும் ஹீரோயின் சப்ஜெக்ட் படத்தில் நடிக்க நயன்தாரா ஒப்பந்தமாகியுள்ளார். ஈரம், ஆறாது சினம், குற்றம் 23 போன்ற திகில் படங்களை இயக்கிய அறிவழகன் இயக்கவுள்ள அடுத்த படத்தில் நடிக்க நயன்தாரா ஒப்பந்தமாகியுள்ளார்.

சைக்காலஜிக்கல் த்ரில்லர் படமான இந்த படத்தில் நயன்தாரா ஆக்சனில் புகுந்து விளையாடவுள்ளதாகவும், அதற்காக அவர் சில நாட்கள் பயிற்சி எடுக்கவுள்ளதாகவும் கூறப்படுகிறது. இந்த படம் குறித்த பிற விவரங்கள் இன்னும் ஒருசில நாட்களில் அதிகாரபூர்வமாக வெளியாகவுள்ளது.