இந்தியன் 2 படத்திற்கு முதல் நாள் முதலே நெகட்டிவ் கமெண்ட்ஸ் அதிகம் வந்த நிலையில் படத்தின் ரன்னிங் டைமை படக்குழு குறைத்து திரையிட்டு வருகின்றனர்.
பிரம்மாண்ட இயக்குனர் சங்கர் இயக்கத்தில் கமல்ஹாசன் நடித்து வெளியாகியுள்ள படம் இந்தியன் 2. எஸ்.ஜே.சூர்யா, சித்தார்த், ரகுல் ப்ரீத் சிங் உள்ளிட்ட பலர் நடித்துள்ள இந்த படத்திற்கு அனிருத் இசையமைத்துள்ளார். லைகா ப்ரொடக்ஷன்ஸ் தயாரித்துள்ளனர். பெரும் எதிர்பார்ப்பில் வெளியான இந்த படம் இரண்டு நாட்களில் பல்வேறு விமர்சனங்களை எதிர்கொண்டு வருகிறது.
பெரும்பாலான ஆடியன்ஸ் படத்தின் ரன்னிங் டைம் 3 மணி நேரம் இருப்பது அலுப்பை தருவதாகவும், திரைக்கதை மெதுவாக நகர்வதாகவும் கருத்துகளை தெரிவித்திருந்தனர். இந்நிலையில் படத்தில் சில காட்சிகளை நீக்கி படத்தின் ரன்னிங் டைமை குறைத்துள்ளதாக தகவல்கள் வெளியாகியுள்ளது.
தற்போது படத்தில் தேவையற்ற சில காட்சிகளை நீக்கி சுமார் 20 நிமிடங்கள் வரை குறைத்து படத்தின் ரன்னிங் டைமை 2 மணி நேரம் 40 நிமிடங்களாக மாற்றியிருப்பதாக செய்திகள் வெளியாகியுள்ளது. இனியாவது படம் எதிர்பார்த்த வரவேற்பை பெறுமா என்ற கேள்வி எழுந்துள்ளது.
Edit by Prasanth.K