கூலி ஷூட்டிங் ஸ்பாட்டில் அமீர்கான்… வைரலாகும் புகைப்படம்!

சூப்பர் ஸ்டார் ரஜினிகாந்த் நடிக்கும் கூலி படத்தின் சில மாதங்கள் ஐதராபாத்தில் செட் அமைத்துப் படமாக்கப்பட்டது. லோகேஷ் கனகராஜ் இயக்கும் இந்த படத்துக்கு அனிருத் இசையமைக்க, அன்பறிவ் சண்டைக் காட்சிகளை இயக்க, கிரிஷ் கங்காதரன் ஒளிப்பதிவாளராக பணியாற்றுகிறார். சன் பிக்சர்ஸ் நிறுவனம் தயாரிக்கிறது.

இந்த படம் ஒரு மல்டி ஸ்டார் படமாக உருவாகி வருவதால் பல முன்னணி நடிகர்கள் நடிக்கின்றனர். சத்யராஜ், நாகார்ஜுனா, ஸ்ருதிஹாசன் மற்றும் உபேந்திரா ஆகியோர் முக்கிய வேடங்களில் நடிக்கின்றனர்.  தற்போது ஷூட்டிங் ராஜஸ்தான் மாநிலம் ஜெய்ப்பூரில் நடந்து வருகிறது.

நேற்று ரஜினிகாந்தின் பிறந்தநாளை முன்னிட்டு ஒரு கிளிம்ப்ஸ் வீடியோவைப் படக்குழு வெளியிட்டது. இந்நிலையில் நேற்று அமீர்கான் கூலி ஷூட்டிங்கில் கலந்துகொண்டதாக ஒரு தகவல் பரவி வருகிறது. இந்நிலையில் அவர் கூலி படத்தில் நடித்து வரும் உபேந்திராவுடன் இருப்பது போன்ற புகைப்படம் ஒன்று பரவி இந்த தகவல் உண்மைதான் எனப் பலரும் கருதக் காரணமாக அமைந்துள்ளது. ஆனால் உபேந்திராவுடன் அமீர்கான் இருக்கும் புகைப்படம் பழைய புகைப்படம் என்பது குறிப்பிடத்தக்கது.