ரஜினி பிறந்தநாளில் ஜெயிலர் 2 முதல் பார்வை.. ஷூட்டிங்குக்குத் தயாரான படக்குழு!

ரஜினிகாந்த் நடிப்பில் கடந்த மாதம் வெளியான வேட்டையன் திரைப்படம் சுமாரான வெற்றியைப் பெற்றது. தற்போது அவர் கூலி படத்தில் நடித்து வருகிறார். அதன் பின்னர் ஜெயிலர் 2 படத்தில் நடிக்கவுள்ளார். அதன் பின்னர் வேறு எந்த படத்திலும் நடிக்கப் போவதில்லை என்றும் அத்துடன் நடிப்பில் இருந்து விலகவுள்ளார் என்றும் சொல்லப்படுகிறது.

கடந்த ஆண்டு ஆகஸ்ட் மாதம் ரஜினிகாந்த், மோகன் லால், சிவராஜ் குமார், விநாயகன் மற்றும் தமன்னா ஆகியோர் நடித்த ஜெயிலர் படம் ரிலீஸாகி பெருவெற்றி பெற்றது. படத்தின் விமர்சனங்கள் கலவையாக இருந்தாலும், வசூலில் கலக்கி 600 கோடி ரூபாய்க்கு மேல் வசூல் செய்தது. இதனால் உடனடியாக ஜெயிலர் 2 உருவாகும் என தகவல்கள் பரவின.

இந்நிலையில் ஜெயிலர் 2 படத்துக்காக ரஜினிகாந்தின் லுக் டெஸ்ட் சமீபத்தில் நடந்துள்ளது. அதையடுத்து ஒரு அறிமுக வீடியோவோடு ‘ஜெயிலர் 2’ அறிவிப்பு வெளியாக உள்ளதாக சொல்லப்படுகிறது. இதற்கான ஷூட்டிங் விரைவில் நடக்க உள்ளதாக சொல்லப்படுகிறது. ரஜினி பிறந்த நாளான டிசம்பர் 12 ஆம் தேதி இந்த அறிமுக வீடியோ வெளியாகும் என சொல்லப்படுகிறது.