நடிகர் கார்த்தி அவர்களுக்கு ஏற்கனவே உமையாள் என்ற பெண் குழந்தை இருந்த நிலையில் சமீபத்தில் அவருக்கு இரண்டாவதாக ஆண் குழந்தை பிறந்தது என்பது தெரிந்ததே. இந்த நிலையில் அவர் தனது இரண்டாவது குழந்தையின் பெயரை தனது டுவிட்டரில் அறிவித்துள்ளார்
நடிகர் கார்த்தி, ரஞ்சனி என்ற பெண்ணை கடந்த 2013ஆம் ஆண்டு திருமணம் செய்த நிலையில் இந்த தம்பதிக்கு உமையாள் என்ற பெண் குழந்தை சில ஆண்டுகளுக்கு முன்னர் பிறந்தது. இந்த நிலையில் கடந்த ஆண்டு அக்டோபர் மாதம் கார்த்திக்கு இரண்டாவதாக ஆண் குழந்தை ஒன்று பிறந்தது என டுவிட்டரில் மகிழ்ச்சியுடன் தெரிவித்து இருந்தார். இதனை அடுத்து அவருக்கு வாழ்த்துக்கள் குவிந்து வந்தது
இந்த நிலையில் தற்போது தனது இரண்டாவது குழந்தைக்கு கந்தன் என்று பெயர் வைத்திருப்பதாக டுவிட்டரில் கார்த்தி டுவிட் ஒன்றை பதிவு செய்துள்ளார். இதுகுறித்து அவர் தனது டுவிட்டரில் கூறியிருப்பதாவது
கண்ணா,
அம்மாவும், அக்காவும், நானும் உனக்கு மிக ஆசையாக "கந்தன்" என்று பெயர் சூட்டி இருக்கிறோம். உன் வருகையால், நம் சுற்றம் மேலும் இனிமையாகட்டும்.
