தலைவர் 171 படத்தில் இந்த நடிகர்களுக்கெல்லாம் வாய்ப்பில்லை… ஏன் தெரியுமா?

சூப்பர் ஸ்டார் ரஜினிகாந்த் நடிக்க இருக்கும் ‘தலைவர் 171’ திரைப்படம் குறித்த அதிகாரப்பூர்வ அறிவிப்பை சன் பிக்சர்ஸ் நிறுவனம் சில வாரங்களுக்கு முன்னர் அதிகாரப்பூர்வமாக அறிவித்தது. இந்த படத்துக்கு அனிருத் இசையமைக்க, அன்பறிவ் சண்டைக் காட்சிகளை இயக்குவார்கள் என அறிவிக்கப்பட்டிருந்தது.

இந்த படத்தில் நடிகர் சிவகார்த்திகேயன் நடிக்க உள்ளதாக சமீபத்தில் தகவல் வெளியானது. இதையடுத்து இப்போது பிரபல நடிகர் ஜீவனும் இந்த படத்தில் ஒரு முக்கிய வேடத்தில் நடிக்க உள்ளதாக சொல்லப்படுகிறது. இதன் மூலம் இந்த படத்தின் வில்லனாக ஜீவன் நடிக்க உள்ளதாக ரசிகர்கள் விவாதிக்க ஆரம்பித்துள்ளனர்.

இப்போது திரைக்கதை பணிகளில் ஈடுபட்டு வரும் லோகேஷ், இந்த படத்துக்கான நடிகர் நடிகைகள் தேர்வில் ஒரு நிபந்தனையைக் கொண்டு வந்துள்ளாராம். இதற்கு முன்னர் லோகேஷ் படத்தில் நடித்தவர்கள் யாரையும் தேர்வு செய்ய வேண்டாம் என முடிவெடுத்துள்ளாராம். ஏனென்றால் இந்த படம் LCU இல்லை என ஏற்கனவே அவர் சொல்லிவிட்டதால், தேவை இல்லாமல் குழப்பம் ஏற்படுவதை தவிர்க்கவே இந்த முடிவை எடுத்துள்ளதாக சொல்லப்படுகிறது.