ரூ.1.25 லட்சத்துக்கு ஐபோன் ஆர்டர் செய்து பிளாஸ்டிக் போனை பெற்ற நகுல்!

கடந்த 2003-ல் வெளியான ‘பாய்ஸ்’ படம் மூலம் திரை உலகில் அறிமுகம் ஆனவர் நகுல் . பின்னர் உடல் எடையை வெகுவாக குறைத்து ‘காதலில் விழுந்தேன்’,  ‘மாசிலாமணி’ உள்ளிட்ட படங்களில் நகுல் கதாநாயகனாக நடித்தார். 2016-ல் ஸ்ருதி என்பவரை நகுல் திருமணம் செய்தார்.

இந்நிலையில் தனது மனைவிக்கு 3ம் ஆண்டு திருமண நாள் பரிசாக ஐபோன் பரிசளிக்க விரும்பினார். இதற்காக  ரூ.1.25 லட்சத்துக்கு ஐபோனை ப்ளிப்கார்ட் இணைய தளத்தில் ஆர்டர் செய்தார். 

அவர் வெளியூர் சென்றிருந்த நிலையில் வீட்டில் ஐபோன் டெலிவர் செய்யப்பட்டுள்ளது.

2 நாள் கழித்து வீடு திரும்பிய நகுல், பார்சலை பிரித்து பார்த்தபோது, அது மலிவு விலையிலான போன் என்பது தெரிந்தது. இதனால் அதிர்ச்சியடைந்த நகுல் பிளிப்கார்ட் நிறுவனத்தின் வாடிக்கையாளர் சேவை மையத்துக்கு புகார் தெரிவித்தார். எனினும், இப்பிரச்னையை தீர்க்காமல் அவர்கள் அலைகழித்துள்ளனர். இதுகுறித்து, நகுல் தனது ட்விட்டர் பக்கத்தில் பதிவிட்டுள்ளார்.