நடிகர் சந்தானம் காமெடியனாக இருந்து கதாநாயகனாக முன்னேறி ஓரளவுக்கு சர்வைவல் ஆகிக் கொண்டிருக்கிறார். அதில் ஒரு படம் ஹிட்டானால், நான்கு படங்கள் ப்ளாப் ஆகிறது. அதனால் சந்தானம் ஹீரோவாக நடித்து சம்பாதித்ததை விட இழந்ததுதான் அதிகம் என சொல்லப்படுகிறது. ஏனென்றால் அவர் ஹீரோவாக நடித்த படங்கள் நடித்த பெருவாரியானப் படங்களை அவரே தயாரித்திருந்தார்.
இதையடுத்து அவர் தற்போது சிம்புவோடு இணைந்து ‘சிம்பு 49’ படத்தில் முக்கிய வேடத்தில் நடிக்கவுள்ளார். இதற்கிடையில் சந்தானம் ஹீரோவாக நடித்துள்ள ‘டி டி நெக்ஸ்ட் லெவல்’ என்ற படத்தின் ப்ரமோஷன் நிகழ்ச்சியில் கலந்துகொண்ட சிம்பு சந்தானத்துக்கு அட்வைஸ் ஒன்றை வழங்கியுள்ளார்.
அதில் “சமீபகாலமாக நகைச்சுவைப் படங்கள் அதிகமாக வருவதில்லை. ஆக்ஷன் படங்கள்தான் வருகின்றன. அதனால் சந்தானம் நிறைய காமெடி வேடங்களில் நடிக்கவேண்டும். அதற்கான ஒரு தொடக்கமாக எங்கள் படம் இருக்கும்” எனக் கூறியுள்ளார்.
