சர்தார் ஹிட்டால் இரண்டாம் பாகத்துக்கு பணத்தை வாரியிறைக்கும் தயாரிப்பாளர்கள்!

கார்த்தி நடிப்பில் பி.எஸ்.மித்ரன் இயக்கி 2022 ஆம் ஆண்டு வெளியான திரைப்படம் சர்தார்.  இந்த படத்தில் கார்த்தி போலீஸ் அதிகாரி, உளவாளி என இரட்டை வேடங்களில் நடித்திருந்தார். இந்த படம் திரையரங்குகளில் வெளியாகி பெரும் ஹிட் அடித்தது. கார்த்தியின் சினிமா கேரியரில் அதிக வசூல் செய்த படமாக அமைந்தது.

இதையடுத்து கடந்த ஆண்டு இறுதியில் சர்தார் 2 படத்தின் ஷூட்டிங் தொடங்கி தற்போது சென்னையில் விறுவிறுப்பாக நடந்து வருகிறது. இந்த படத்துக்காக 1970 களில் பயன்பாட்டில் இருந்த விமானம் ஒன்று சென்னையில் உள்ள ஒரு ஸ்டுடியோவில் உருவாக்கப்பட்டு அதில் முக்கியக் காட்சிகள் படமாக்கப்பட்டுள்ளன. படத்தில் எஸ் ஜே சூர்யா பிரதான வில்லன் கதாபாத்திரத்தில் நடிக்கிறார்.

படத்தின் ஷூட்டிங் விறுவிறுப்பாக நடந்து வருகின்றது. இந்நிலையில் சர்தார் முதல் பாகத்தின் வெற்றியால் இரண்டாம் பாகத்துக்கு முதல் பாகத்தை விட மூன்று மடங்கு பட்ஜெட் ஒதுக்கப்பட்டுள்ளதாம்.