பிரபல ஓடிடியில் வெளியான ஷாருக் கானின் டன்கி!

பாலிவுட் சூப்பர் ஸ்டார் ஷாருக் கானுக்கு கடந்த சில ஆண்டுகள் மோசமான ஆண்டாக அமைந்தன. அவர் நடித்த எல்லா படங்களும் ப்ளாப் ஆகின. இதையடுத்து ஒரு நீண்ட பிரேக் எடுத்துக்கொண்டு இப்போது அவர் இப்போது மீண்டும் ஹிட் பாதைக்கு திரும்பியுள்ளார்.

இதையடுத்து 2023 ஆம் ஆண்டில் அவர் நடிப்பில் ரிலீஸ் ஆன பதான் மற்றும் ஜவான் ஆகிய இரண்டு திரைப்படங்களும் ஹிட்டடித்து 1000 கோடி ரூபாய்க்கு மேல் வசூல் செய்து சாதனைப் படைத்தன. இந்நிலையில் அவர் நடிப்பில் ராஜ்குமார் ஹிரானி இயக்கிய டன்கி திரைப்படம் டிசம்பர் 21 ஆம் தேதி ரிலீஸ் ஆனது.

பதான், ஜவான் படங்கள் அளவுக்கு இல்லை என்றாலும் டன்கி ஒரு வெற்றிப் படமாகவே அமைந்தது. இந்த படம் 500 கோடி ரூபாய் அளவுக்கு உலகம் முழுவதும் வசூலித்ததாக சொல்லப்படுகிறது. இந்நிலையில் இப்போது இந்த திரைப்படம் நெட்பிளிக்ஸ் தளத்தில் வெளியாகியுள்ளது.