பத்துதல பர்ஸ்ட் லுக்கை வெளியிடும் நம்ம தல ஏ.ஆர்.ரகுமான்! – சிம்பு காட்டில் மழை!

நடிகர் சிம்பு, கௌதம் கார்த்திக் இணைந்து நடிக்கவுள்ள பத்து தல திரைப்படம் குறித்த முக்கிய அறிவிப்பு தற்போது வெளியாகியுள்ளது.

நீண்ட காலமாக தனது திரைப்படங்கள் வெளியாகாமல் இருந்து வந்த நிலையில் அடுத்தடுத்து தொடர்ந்து திரைப்படங்களை நடித்து வருகிறார் சிம்பு. அவரது ஈஸ்வரன் திரைப்படம் தற்போது வெளியாகியுள்ள நிலையில் அடுத்த படமான மாநாடு படத்தின் பர்ஸ்ட் லுக் போஸ்டர் வெளியானது.

இந்நிலையில் தனது அடுத்தப்படமான பத்து தல படத்தில் பிஸியாகியுள்ளார் சிம்பு. சிம்பு, கௌதம் கார்த்திக் இணைந்து நடிக்கும் இந்த படத்தை கிருஷ்ணா இயக்குகிறார். முதன்முறையாக கௌதம் கார்த்திக், சிம்பு இணையும் படம் என்பதால் எதிர்பார்ப்பை ஏற்படுத்தியுள்ள நிலையில் இந்த படத்தின் பர்ஸ்ட் லுக் போஸ்டரை நாளை மாலை 6.30 மணிக்கு இசையமைப்பாளர் ஏ.ஆர்.ரகுமான் வெளியிட உள்ளதாக அறிவிப்பு வெளியாகியுள்ளது.