வினோத் இயக்கத்தில் அடுத்து நடிக்கப் போகும் ஹீரோ யார்?

வினோத் இயக்கத்தில் வெளியான துணிவு திரைப்படம் நல்ல வரவேற்பைப் பெற்றுள்ளது.

பெரும் எதிர்பார்ப்புகளுக்கு மத்தியில் ரிலீஸ் ஆன துணிவு திரைப்படம் பாசிட்டிவ்வான விமர்சனங்களை பெற்றது. துணிவு திரைப்படம் நேற்று அதிகாலை 1 மணிக்கு தமிழகத்தில் வெளியானது. துள்ளலான அஜித் மற்றும் படத்தின் பரபர திரைக்கதை என ரசிகர்களை வெகுவாகக் கவர்ந்துள்ளது.

இந்நிலையில் உச்சகட்ட மகிழ்ச்சியில் உள்ள ஹெச் வினோத், அடுத்த பட வேலைகளில் இறங்கியுள்ளதாக சொல்லப்படுகிறது. கமல்ஹாசன் மற்றும் தனுஷ் ஆகிய இருவருக்கும் கதை சொல்லி சம்மதம் வாங்கி வைத்துள்ள அவர், எந்த படத்தை முதலில் தொடங்குவார் என்று தெரியவில்லை.

இந்நிலையில் துணிவு வெற்றியால் மகிழ்ச்சியில் இருக்கும் வினோத் இப்போது கமல்ஹாசனின் பதிலுக்காக காத்திருக்கிறாராம். கமல் இப்போதே படத்தைத் தொடங்கலாம் என சொல்லிவிட்டால் முதலில் கமல் படத்தைத் தொடங்குவார் எனவும், இல்லையென்றால் முதலில் தனுஷ் படத்தை தொடங்குவார் என்றும் சொல்லப்படுகிறது.