பல வருடக் காத்திருப்புக்குப் பின் ஹிட் இயக்குனருக்கு தேதி கொடுத்த விஷால்!

அடங்கமறு படத்தின் மூலம் கவனம் பெற்றவர் இயக்குனர் கார்த்திக் தங்கவேல். அந்த படம் வெற்றி பெற்றதை அடுத்து அவரிடம் பல கதாநாயகர்கள் கதைக் கேட்டனர். ஆனால் யாரும் ஓகே செய்து அதிகாரப்பூர்வமாக அறிவிக்கவில்லை. அந்த பட்டியலில் சூர்யா, கார்த்தி மற்றும் விஷால் ஆகியோர் இடம் பெற்றிருந்தனர்.

ஆனால் எதுவும் நடக்காத நிலையில் தற்போது பைவ் ஸ்டார் கதிரேசன் தயாரிப்பில் ஆர்யா நடிப்பில் ஒரு படத்தை இயக்கும் வேலையில் ஈடுபட்டார். ஆனால் இப்போது ஆர்யா அந்த படத்தில் இருந்து விலகிவிடவே, மீண்டும் விஷால் உடனே அவர் இணைய உள்ளதாக சொல்லப்படுகிறது.

இப்போது மார்க் ஆண்டனி படத்தில் நடித்து வரும் விஷால் அடுத்து துப்பறிவாளன் 2 படத்தை தொடங்க உள்ளார். இதற்கிடையில் கார்த்திக் தங்கவேல் இயக்கும் படத்திலும் நடிக்க உள்ளாராம். இந்த படத்தின் முன் தயாரிப்புப் பணிகள் தற்போது தொடங்கி நடந்து வருகிறதாம்.