2020 ஆம் ஆண்டுக்கான ஐபிஎல் போட்டி செப்டம்பர் 19 முதல் நவம்பர் 10 வரை நடைபெறும் என்பது தெரிந்ததே. இதற்காக சென்னை சூப்பர் கிங்ஸ் அணி உள்பட 8 அணிகள் ஏற்கனவே துபாய் சென்று உள்ளன. அங்கு வீரர்கள் தனிமைப்படுத்தப்பட்டு தனிமைப்படுத்தப்பட்ட காலம் முடிந்தபின் பயிற்சியில் ஈடுபட்டு வருகின்றனர்
இந்த நிலையில் இன்று ஐபிஎல் போட்டியின் அட்டவணை வெளியிடப்படும் என ஐபிஎல் நிர்வாக குழு தலைவர் பிரிஜேஷ் பட்டேல் அவர்கள் தெரிவித்துள்ளார். ஐபிஎல் விதிப்படி முதல் இரண்டு இடங்களை முந்தைய ஆண்டு பிடித்த அணிகள் அடுத்த ஆண்டு முதல் போட்டியில் விளையாடும். அந்த வகையில் சென்னை மற்றும் மும்பை அணிகள் தான் முதல் போட்டியில் விளையாட வேண்டும்
ஆனால் சென்னை அணி வீரர்கள் மற்றும் நிர்வாகிகளுக்கு கொரோனா பாதிப்பு இருப்பதால் முதல் போட்டியில் சென்னை அணிக்கு பதிலாக வேறு அணி விளையாடும் என்று எதிர்பார்க்கப்படுகிறது. 10 அல்லது 15 நாட்கள் கழித்து தான் சென்னை அணிக்கு முதல் போட்டி நடைபெறும் வரையில் அட்டவணை தயாரிக்கப்படும் என்று ஐபிஎல் வட்டாரங்கள் தெரிவித்துள்ளன
