Publish Date: Mon, 21 Sep 2026 (13:41 IST)
Updated Date: Mon, 21 Sep 2026 (13:44 IST)
அமெரிக்க அதிபர் டொனால்ட் டிரம்பின் அழைப்பை ஏற்று, சீன அதிபர் ஷி ஜின்பிங் வரும் செப்டம்பர் 23 முதல் 25 வரை அமெரிக்காவில் அரசு முறைப் பயணம் மேற்கொள்கிறார். சுமார் 11 ஆண்டுகளுக்குப் பிறகு சீன அதிபர் ஒருவர் வாஷிங்டனுக்கு மேற்கொள்ளும் நேரடி அரசு முறைப் பயணம் இது என்பதால், சர்வதேச அளவில் பெரும் எதிர்பார்ப்பு எழுந்துள்ளது.
செப்டம்பர் 23 அன்று வாஷிங்டன் சென்றடையும் அதிபர் ஷி ஜின்பிங்கை, ஆண்ட்ரூஸ் விமான தளத்தில் அதிபர் டொனால்ட் டிரம்ப் நேரில் சென்று முறைப்படி வரவேற்க உள்ளார். தொடர்ந்து செப்டம்பர் 24 அன்று வெள்ளை மாளிகையில் இரு நாட்டுத் தலைவர்களும் முக்கிய உயர்நிலை இருதரப்பு பேச்சுவார்த்தையில் ஈடுபட உள்ளனர்.
இந்தச் சந்திப்பின் போது, இரு நாடுகளுக்கு இடையேயான வர்த்தக வரி விவகாரங்கள், செயற்கை நுண்ணறிவு (AI) தொழில்நுட்பக் கட்டுப்பாடு, கனிம வளங்கள் ஏற்றுமதி விநியோகம், தைவான் விவகாரம் மற்றும் உலகளாவிய புவிசார் அரசியல் சூழல்கள் குறித்து விரிவாக ஆலோசிக்கப்படும் என வெள்ளை மாளிகை வட்டாரங்கள் தெரிவித்துள்ளன. மேலும், அதிபர் ஷி ஜின்பிங் வருகையை முன்னிட்டு வெள்ளை மாளிகையில் பிரம்மாண்ட அரசு விருந்திற்கும் ஏற்பாடு செய்யப்பட்டுள்ளது.
உலகப் பொருளாதாரத்தில் ஆதிக்கம் செலுத்தும் இரு பெரும் வல்லரசு நாடுகளின் தலைவர்கள் நேரில் சந்தித்துப் பேசவுள்ளதால், இந்த சந்திப்பின் முடிவுகள் உலக வர்த்தகம் மற்றும் சர்வதேச அரசியலில் பெரும் மாற்றங்களை ஏற்படுத்தும் எனக் கருதப்படுகிறது.
About Writer
சு. பாலகிருஷ்ணன்
18 ஆண்டுகள் தமிழ் முன்னணி நாளிதழ்களின் டிஜிட்டல் செய்தி பிரிவில் பணியாற்றிய அனுபவம் உள்ளவர். அரசியல், பொழுதுபோக்கு செய்திகள் எழுதுவதில் ஆர்வம் உள்ளவர்.
....
மேலும் படிக்க